Fermandê Fermanda Pêşmergê Zerevanî civînek li gel Ereb, Asurî, Keldanî, Suryanî, Êzîdî, Tirkman û Şebekan li herêma Nergizyê pêk îna û paşan jî seredana Betalyona 2 girêdayî Fermanda Pêşmergê Zerevanî kir. Li dîv biryara Hikumeta Herêma Kurdistanê, bi armanca asayîş û aramîyê kismek pêşmergeyên girêdayî Pêşmergeyên Zerevanî li bajare Musilê hate bi cîh kirin. Devera Hay Qahîre berî nuke bi caran beramberî hêrîşên tîrorîstî mabû. Ne leşkerê Emrîka ne jî Leşkerê Iraqa Nû ne şîyabû li vê deverê aramîyê pêk bînît. Piştî ku hêzên Pêşmergeyên Zerevanî li vir hatin bi cîh kirin êdî asayîş heye û jîyan bi rengekî normal berdewame.

Îro li demjimêr 11:30 î berî nîvro rêkeftî 23.8.2006 ê hunermenda Kurd ya binav û deng Gulistan Perwer di gel kurê xwe Serxwebun û çend kesên di gelda seredana Fermandeya Pêşmergê Zêrevanî kir û ji layê Fermandê Fermandeya Pêşmergê Zêrevanî Lîwa Ezîz Weysî û cêgirê Fermandey Lîwa Dilşad ve hatine pêşwazî kirin. Di seredana xweda hunermenda Kurd Gulistan Perwer rolê Pêşmergey di biwarê parastin û seqamgîr kirina Kurdistan ê da bilind nirxand û got ku ew wek hunermendeka Kurd ku bi salan stiran gotîne, herdem Pêşmerge bûye mijara serekî ya stiranên wê.

Evro demjimêr yêkî piştî nîvro wefdekê hevpişk ji leşkirê Emrîkî û Iraqî ku pêkhatibu ji raîd Stone berpirsê meşqa leşkirê Emrîkî li Mexmur û muqaddim Hogir Selahaddîn Fermandê Batalyona (3) ya leşkirê Iraqî (ING) li Mexmur, seredana Fermandeya Pêşmergê Zêrevanî kir û ji layê general Ezîz Weysî  Fermandê Fermandeya Pêşimergê Zêrevanî ve hatine pêşiwazîkirin. Di runiştinê da behsê rewşa emnî li Iraqê bi giştî û li Kurdistanê bi taybetî hate kirin. Herwesa di vê kumbunê da wefdê Emrîkî dûbare rolê Pêşmergê Kurdistanê di parastina emniyetê da bilind nirxand.

Duhî nivîskar û rojnamevan ê Frensî yê navdar "Chris Kocher" li gel xêzana xo ya wênegir, seredana baregayê Fermandeya Peşmergê Zêrevanî ya Kurdistan kir. Rojnamevan "Chris Kocher" û xêzana wî ji layê Fermandê Fermandeya Peşmergê Zêrevanî General "Ezîz Weysî" û "Emîd Xazî Salih" endamê Fermandeya Peşmergê Zêrevanî û berpirsê hisabata hatine pêşwazî kirin.  "Chris Kocher" ku wek êk ji dustên kevin yên miletê Kurd dihête nîyasîn, di seredana xweda 45  salîya şoreşa îlona mezin li hemî gelê Kurd pîroz kir û berdewamîya serkeftinê bo xwest.

Dewra perwerdêya kompîterê ya ku sazîya NGO ya Elmanî AGEF ê li Hewlerê bi rêvedibir bi dumahîk hat.
Şagirtên perwerdeya kompîterê ku di navbera 05-05/22-06-2006 ê hate bi rêvebirin, duhî bi rewresmekê ku li navenda AGEF ê li Hewlerê dîplomayên xwe girtin. Perwerdeya kompîterê gavek ji gavên Fermandeya Zerevanî ji bo perwerdeya pêşmergeya hatibû amadekirin. Dîplomayên şagirtan ji layê endamê Fermandeya Zerevanî Lîwa Dilşad Necîp, Aqîd Hisên Mistefa û rêvebira AGEF li Hewlerê Brîjîta Johnson hatin belavkirin.

Rewresma ku nêzîkî seatekî berdewam kir, bi rawestina 1 deqîqeyî bo giyanî şehîdan dest pêkir. Pişt re siruda netewî "Ey Reqîb" hate xwendin û  di bin çavdêriya efser û piledarên leşkerî û siyasî de, rewresma xwepêşandana peşmergeyan pêkhat. Fermandê fermandeya Pêşmergên Zerevanî General Azîz Weysi di axaftina xwe de wusa got: "Ev cure vekirina xolan, ne cara yekem e û ne jî dibe cara dûmahîkê. Bo zêdetir pêşxistina leşkerên Kurdistanê, wekî cenabê Serokê Kurdistanê û Serokê Hikumeta Kurdistanê emir dikeyn, ko pêşmerge pêwîst e şayîsteyî navê xo bîtin û çawa di qehremantî û mêranî û xoragiriyê da çi nîmunên xo di tarîxê da nînin, wusa jî di layê akademîbûn û rêkxistin, fêrbûn, pêşxistina huner û teknîkên şer da di dinyayê da pêwîst e nîmunên yekemîn bîtin û pêş hemî sîstemên dinyayê da bîtin."

Li kurdistanê gelek çand û gelên corbecor pêk ve dijîn. Hikumeta fîdrala herêma kurdistanê ji bo parastin û bi hêzkirina wan çandan dest bi xebatê kiriye. Û bi vî çendê ji bo gerentî kirina mafên êzîdî, aşûrî, kildanî, tirkman û kemenetêwen û girubên dî yên ayînî hewl didet.  Hêja Nêçîrvan Barzanî Serokwezîrê Hıkumeta Kurdistanê ji bo berdewamîya vî xebatî daxwazeka taybet ji Ceneral Ezîz Weysî Fermandê Fermanda Pêşmergên Zîrevanî kir. Ceneral Ezîz Weysî û şandeka pê re çûn Bertîlla li gel pêşhatên civaka krîstîyan û bi nûnerên ayînî re rûniştin.

Ji ber salvegera bîstûşeşemîn ya koça dawî ya Mele Mistefa Barzanî yê Nemir, seredanên şexsiyet û avahiyên Kurd û navnetewî li devera Barzan berdewam dikin. Di vê bihara sala 2007'an de, devera Barzan carekî din bû ziyaretgeha mirov, sazî û civakên curbecur. Ne tenê Kurd, şexsiyet û saziyên Ereb, Turkman, Krîstiyan, Kildanî, Aşurî, Yezîdî, civak û kêmnetewên din, bi şandên hejmarên bilind, qefle bi qefle têne devera Barzan û rûmetdariyên xwe pêşkêşî hebûna manewî ya nemir Mele Mistefa Barzanî dikin. 

Werger ji Rûsî: Dr.Ekrem Önen/ "Li Moskowayê di sala 2006 a de ”Rasîskaya Gazeta” pirtûka Yevgenî Prîmakov a bi navê, ”Konfîdîtsîal (dizî) Rojhilata Navîn eşkere û dizî. (Nivê qirnê XX û destpêka qirnê XXI)”çap kir..Ew qismê li ser pirsa Kurdî di pirtûkê de, behsa hevditinên xwe bi Mustefa Barzanî re, bi serokatîya Kurd a we demê re, tekilîyên Kurdan ên hundir û derve, tekiliyen Kurda bi Iraqe re û pirsa kerkûkê, ew qismê li ser pirsa Kurda ji bo ku ji alî Kurda bê zanîn min ev ji zimanê Rusî vergerand kurdî hevîdarim we balkêş be ji bo xwendevanan.."