Barzanî : Eger desthilata çespandina yasa û qeîdeyan xwe nespêre we, mal u giyanê hemwelatiyan û destkeftiyên me dê tuşî metirsî bibin.

Hêza Taybet a 1. rewresma derçûna perwerde û rahênana serbazî bo hezar peşmergeyan birêxist û hezar pêşmergeyên din yên ku berî çend heyvan derçûbûn, bi awayekî çalak tevî rewresma derçûnê bûn.

Li roja 25ê Hezîranê, bi amadebûna serokê Hikumeta Kurdistanê Neçîrvan Barzanî û Fermandeyê Pêşmergeyên Zêrevanî General Azîz Weysî û hejmareke pir ya kesûkarên pêşmergeyên derçûyî, rewresma derçûyên hêza Taybet a 1. pêkhat.

Di destpêka rewresmê de deqîqeyek bo rêzgirtina şehîdan rawestan pêkhat û paşê fermandeyê Fêrgehê Amîd Şefîq axaftinek kir û got ku pêşmergeyên di navbera 18-25 salî de, ber vê dewreyê li yekê Adara 2009an serî lêdane bo perwerdeyê, bi tevayî 460 saetan bi herdu şeweyên teorîk û pratîk perwerde dîtine. Piştî nûmayîşa pêşmergeyên di bin fermandeya Aqîd Heval Fuad Reşît de, çalakiya kung-fu ji aliyê pêşmergeyên Hêza Taybet bi serpereştiya mulazim Faruq bi rêve çû. Piştî vê çalakiyê, nûmayîşek ji aliyê komandoyên parêzkar yên SWAT pêkhat.

Di rewresme de, fermandeyê Hêzên Pêşmergeyên Zêrevanî General Azîz Weysî rola serokê Kurdistanê birêz Mesud Barzanî di nîzamîkirina hêzên pêşmergeyan de anî ziman, nîzamnameya damezirandina Hêza Taybet ya Yekê xwend û xweşhaliya xwe bo amadebûna serokê Hikûmeta Kurdistanê Neçîrvan Barzanî daxuyand û ew dawetî pêşkêşkirina axaftinek bo amadebûyiyan kir.

Serokê Hikumetê Barzanî di destpêka axaftina xwe de, bo amadebûyiyan serxweşî niyaz kir yên ku xwedî şehîdan in, çalakiyên terorîstî lanet kirin, bo birîndaran jî sihatxweşî xwest û bawerxurtiya hikumetê bo têkoşîna li dijî terorîzme da xuyakirin.

Serokê Hikumeta Kurdistanê Neçîrvan Barzanî girîngîya Hêza Taybet da pêş û got:

“Ev ji bo me xweşhalî ye ku pêşmergeyên ji hemû deverên Kurdistanê di nav refên vê hêzê de cih digrin û ji Zaxoyê heta Xaneqînê li her derê bi awayekî serkeftî parastina hemwelatiyan dikin.”

Herweha Barzanî wekî girîng da zanîn ku ew hêzên ku parêzgeriya hikumet û parlemanê dikin jî, ji nav vê hêzê derdiçin û ew di pêkanîna aramî û seqamgîrîya herêma Kurdistanê de xwedî roleke mezin in.

Rewresm bi sirudên niştimanî yên Iraq û Kurdistanê bi dawî bû.