Serokerkanê artêşa Iraqê Babekir Zêbarî di daxuyaniyekê de got: “Divê gelê kurd ji pêngava artêşa Iraqê a kirîna çekên giran ên wekû balafirên şerê, netirse. Çimkî artêş dê di dahatû de ji aliyê kesekî sivîl ve were serpereştîkirin û parlamento dê çawdêriya wê bike.”

Zêbarî di daxuyaniyekê de ji Kurdistanî Nwê re got: “Arîşeyên Xaneqîn, Diyale, Musil û Kerkûkê ber çaserseriyan ve diçin, çimkî tu yek ji hêza pêşmerge û artêşa federal naxwazin pevçûn biqewimin û arîşeyan çê bikin. Her du hêz dizanin ku eger di nsvbera wan de pevçûn biqewimin, rewşa Iraqê û gelê wê dê bişêwe.”

Zêbarî herwiha di daxuyaniya xwe de da zanîn ku hemû pêkhateyên Iraqê li ser wê nêrînê ne ku divê hevsengiyek di artêşê de hebe û ji kurd, sune û şiayan pêk were û got: “Biryar jî hatiye dayîn ku cîgirê fermandarê leka 12-ê ya Kerkûkê kurd be.”

Derbarêr pêkanîna du likên leşkerî ên Herêma Kurdistanê ên girêdayî artêşa federal jî, serokerkanê Iraqê da xuyakirin ku hemû amadekariyên wan ku lekan qediyane û got: “Her du lek dê digel budceya sala nû dest bi karê xwe bikin.”

Derbarê metirsiya wê yekê ku artêşa Iraqê dil heye muhîmatên leşkerî ên wekû balafirên şerê bikire jî Zêbarî got: “Divê gelê kurd ji wê pêngava artêşa Iraqê a kirîna çekên giran, netirse, çimkî artêş dê di dahatû de ji aliyê kesekî sivîl ve were serpereştîkirin û parlamento dê çawdêriya wê bike. Di dahatû de artêşa Iraqê dê wekû artêşên pêşketî ên cîhanê lê were û dê bibe parêzgarê Iraq û Herêma Kurdistanê.”

Di dawiya axiftina xwe de serokerkanê artêşa Iraqê Babekir Zêbarî aşkere kir ku heta sala 2009-ê artêş dê bo ser heft lekan were dabeşkirşn û dê zêdetir ziringî bi hêzên polîs û ewlekariya nav bajaran bê dayîn.”