Rojî 3.5.2006  be amadebûnî niwênerî mektebî Serok Barzanî û wezîrî nawxoy Hikumetî Herêmî Kurdistan û parêzgarî Hewlêr û niwêneranî supay Emrîka û Koriya û jimareyek le Fermande û berpirsanî hizbî û hikumî û leşkirî û çend kesayetîyekî Erebî deverî Mexmur, le rê û resmêkda kotayî bexolî meşqî serbazî Xolî 26 î Gulan hat kenizîkey 300 Pêşmerge têda beşdarbûn.

Seretay merasîmeke be sirodî Ey Reqîb û deqîqek westan bo rêzgirtin le gîyanî pakî şehîdan û serwerîyan Barzanî nemir û kake Îdrîsî hemîşe zindû destî pêkird, paşan le layen Pêşmerge beşdarbuwekanî xolekewe le rêroştinêkda nimayşêkî serbazîyan encamda û diwatir çendîn çalakî tirî serbazî nimayşkira ke birîtî bûn le rahatin leser corekanî bergirî ke legel barudoxî raperandinî erkekanî emroda bi guncê wek şêwazî bergirîkirdin dijî tîror û kirdey tîroristî.

Emca le layen berêz Ezîz Weysî Fermandey Fermandeyî Pêşmergey Zêrevanî wutarêk xwêndirayewe têyda amajey bewe da, ke em xole serbazîyane le naw Pêşmergeda berdewamin û Pêşmerge wek supayekî nîzamî hemîşe zîyatir gîyanî displîn û zanistî serbazî tîya pitew tir debê.

Herweha berêz Kerîm Şingalî wezîrî nawxo witarêkî pêşkeşkird û têyda wêrayî supas û destxoşî bo Pêşmerge û mamostayanî meşqî xoleke amajey be rolî Pêşmergey Zêrevanî da le parastinî aramî û asayîşî hawlatiyan û piştgîrî xoy bo behêzkirdinî em roley Pêşmerge da her lew nimayşe serbazî ye da ewe nîşandira ke Pêşmerge hêzêkî nîzamî goşkirawe bezanistî serbazî serdemîyane.